жаль бо ему мила брата всеволода. Бишася день, бишась другый: третьяго дни къ полуднію падоша стязи Игоревы. Ту ся брата разлучиста на брезe быстрой Каялы. Ту кроваваго вина недоста; ту пиръ докончаша храбріи Русичи: сваты попоиша, а сами полегоша за землю Рускую. Ничить траважалощами, а древо стугою къ земли преклонилось. Уже бо братіе невеселая година въ стала, уже пустыни силу прикрыла; въстала обида въ силахъ Дажь-Божа внука, вступилъ дeвою на землю Трояню, въсплескала лебедиными крилы на синемь морe у Дону плещучи, у буди жирня времена, усобица княземь на поганыя погыбе. Рекоста бо братъ брату: се мое, а то моеже; и начаша князи про малое, се великое, молвити, а сами на себе крамолу ковати: а поганіи съ всeхъ странъ прихождаху съ побeдами на землю Рускую. О! далече зайде соколъ, птиць бья къ морю: а Игорева храброго полку некресити. За нимь кликну Карнаижля поскочи по Руской земли смагу людемъ мычючи въ пламянe розe. Жены рускыя въсплакашась аркучи: уже намь своихъ милыхъ ладъ ни мыслію смыслити, нидумою сдумати; ни о очима съ глядати, а злата и сребра ни мало того потрепати. А въстона бо братіе Кіевъ тугою, а Черниговь напастьми: тоска разліяся по Руской земли; печаль жирна утече средe земли Рускыи; акнязи сами на себе крамолу коваху; а поганіи сами побeдами нарищуще наРускую землю, емляху дань по бeлe отъ двора. Тіи бо два храбрая Святъ славличя, Игорь и всеволодъ уже лжу убуди, которую то бяше успилъ отець ихъ Святъславь гроздный выликый Кіевь скый. Грозою бяшеть; притрепеталъ своими силными полкы и харалужными мечи; наступи на землю Половецкую; притопта хлъми и яругы; в’змути рeкы и озеры; иссуши потокы и болота; а поганого Кобяка изъ луку моря отъ желeзны(х) великыхъ полковъ Половецкыхъ, яко вихръ выторже: и падеся Кобякъ въ градe Кіевe въ гридницe Святъ славли. Ту Нeмци и венедици, ту Греци и Морава поютъ славу Святъ славлю, каютъ князя Игоря, иже погрузи жиръ во днe Каялы рeкы Половецкыя, Рускаго злата насыпаша. Ту Игорь князь высeде изъ сeдла злата, авъ сeдло Кощіево; |