|
стоять стязи въ Путивлe; Игорь ждетъ
мила брата всеволода. И речь ему
буй Туръ всеволодъ одинъ братъ, один
свeтъ свeтлый ты Игорю, оба есвe
Святъ славличя; сeдлай брате свои
бързыи комони, а мои ти готови
осeдлани у Курьска на переди; а мои
ти куряни свeдоми къ мети, подъ
трубами повити, подъ шеломы въ злeлeяни,
конець копія въ скръмлени,
пути имъ вeдоми, яругы имь знаеми,
луци у нихъ напряжени, тули
отворени, сабли изострени, сами
скачютъ акы сeрыи вълци въ полe,
ищучи себe чти, а князю славe.
Тогда вступи Игорь князь въ златъ
стремень, и поeха по чистому полю.
Солнце ему тмою путь заступаше;
нощь стонущи ему грозою птичь
убуди; Дивъ кличеть връху древа,
велитъ послушати земли не знаемe,
влъзe, и по морію, и по Сулію, и Сурожу,
и корсуню, и тебe Тъ мутороканьскый
блъ ванъ; а Половци неготовами
дорогами побeгоша къ Дону
великому; крычатъ телeгы полунощи;
рци лебеди роспущени.
Игорь къ Дону вои ведетъ: уже бо
бeды его пасеть птиць; подобію
волци грозу въсрожать по яругамь;
орли клектомъ на кости звeри зовутъ;
лисици брешутъ на чрленыя щиты.
О Руская земле! уже за Шоломянемъ
еси долго: ночь мрькнетъ, заря свeтъ
запала, мъгла поля покрыла, щекотъ
славій успе, говоръ Галичь убуди, Русичи
великая поля чрълеными щиты
прегородиша, ищучи себe чти, а
князю славы; с заранія въ пякъ потопташа
поганыя полкы Половецкыя;
и рассушась стрeлами по
полю, помчаша красныя дeвкы Половецкыя,
а съ ними злато, и паволокы,
и драгыя оксамиты; орътмами,
и япончицами, и кожухы начаша
мосты мостити по болотомъ
и грязивымъ мeстомъ, и всякыми узо
рочьи Половецкыми. Чрълень стягъ,
бeла хорюговь, чръвлена чолка, сребрено
стружіе, храброму Святъ славличю. Дремлеть
въ полe Олгово хороброе гнeздо
далече залeтeло; не было нъ обидe
порождено нисоколу, ни кречету, ни
тебe черный воронъ, поганый Полов
чине. Гзакъ бeжить сeрымъ волкомъ;
Кончакъ ему слeдъ править
къ Дону великому. Другаго дни велми
рано кровавыя зори свeтъ повeдают;
черныя туча съ моря идуть, хотять
прикрыти 4 солнца: а въ нихъ трепещуть
Синіи молніи, быти грому великому,
итти дождю стрeлами съ Дону великого: |